സപ്തദിന സഹവാസ ക്യാമ്പ്

നിലമേൽ: പോരേടം വിവേകാനന്ദ വൊക്കേഷനൽ ഹയർ സെക്കൻഡറി സ്കൂളിലെ എൻ.എസ്.എസ് ക്യാമ്പ് 'എൻെറ മുത്തശ്ശി' മുരുക്കുമൺ യു.പി സ്കൂളിൽ ആരംഭിച്ചു. പരിപാടിയോടനുബന്ധിച്ച് വിളംബര ജാഥ നടത്തി. ഹെഡ്മാസ്റ്റർ രാജൻപിള്ള പതാക ഉയർത്തി. പി.ടി.എ പ്രസിഡൻറ് അൻസാർ ഹുസൈൻെറ അധ്യക്ഷതയിൽ ചേർന്ന യോഗം നിലമേൽ പഞ്ചായത്ത്‌ പ്രസിഡൻറ് എ.എം. റാഫി ഉദ്ഘാടനം ചെയ്തു. പഞ്ചായത്ത്‌ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ അക്കരവിള സജീവ്, വൈസ് പ്രസിഡൻറ് ബിനുസാബു, റീജനൽ കോഒാഡിനേറ്റർ രാജലാൽ, എച്ച്.എസ്.എസ് പ്രിൻസിപ്പൽ പ്രകാശ് കുമാർ, വി.എച്ച്.എസ്.ഇ പ്രിൻസിപ്പൽ അനുരാധ, എൻ.എസ്.എസ് പ്രോഗ്രാം ഓഫിസർ ഷൈജു എസ്. മാധവൻ എന്നിവർ സംസാരിച്ചു.