മദ്​റസ അധ്യാപകൻ വിദ്യാർഥിനിയെ പീഡിപ്പിച്ചതായി പരാതി

നേമം: എട്ടുവയസ്സുകാരിയായ വിദ്യാർഥിനിയെ മദ്റസ അധ്യാപകൻ പീഡിപ്പിച്ചതായി പരാതി. രക്ഷിതാക്കളുടെ പരാതിയെ തുടര്‍ന്ന് കൊല്ലംകോണം മുസ്‌ലിം ജമാഅത്ത് മദ്റസ അധ്യാപകൻ തൗഫീഖ് അല്‍ഹാദിക്കെതിരെ വിളപ്പില്‍ശാല പൊലീസ് കേസെടുത്തു. 2019 ജൂണ്‍ മുതല്‍ ഡിസംബര്‍ 14 വരെ കാലയളവില്‍ ചില ദിവസങ്ങളില്‍ ഉസ്താദ് തന്നെ പീഡനത്തിന് വിധേയയാക്കിയെന്ന് കുട്ടി പൊലീസിന് നല്‍കിയ മൊഴിയില്‍ പറയുന്നു. കുട്ടി രക്ഷിതാക്കളെ വിവരം അറിയിച്ചതോടെയാണ് സംഭവം പുറത്തറിയുന്നത്. തൗഫീഖ് അല്‍ഹാദി ഒളിവിലാണ്. ഇയാൾക്കെതിരെ പോക്‌സോ പ്രകാരം കേസെടുത്തതായി വിളപ്പില്‍ശാല സി.ഐ സജിമോന്‍ പറഞ്ഞു.