'ഇനി ഞാൻ ഒഴുകട്ടെ' അണ്ടൂർക്കോണത്ത്​ ​തെറ്റിയാർ ശുചീകരണം ഉദ്​ഘാടനം നാ​െള

കണിയാപുരം: നീർച്ചാലുകൾ പുനരുജ്ജീവിപ്പിക്കാൻ ഹരിത കേരള മിഷൻ ആവിഷ്കരിച്ച 'ഇനി ഞാൻ ഒഴുകട്ടെ' പദ്ധതിയുടെ ഭാഗമായി അണ്ടൂർക്കോണം പഞ്ചായത്തിലെ തെറ്റിയാർ ശുചീകരിക്കുന്നു. പദ്ധതി ഉദ്ഘാടനം വെള്ളിയാഴ്ച രാവിലെ എട്ടിന് ആലുംമൂട് എൽ.പി സ്കൂളിൽ മന്ത്രി കടകംപള്ളി സുരേന്ദ്രനും ശുചീകരണപ്രവർത്തനങ്ങളുടെ ഉദ്ഘാടനം അടൂർ പ്രകാശ് എം.പിയും നിർവഹിക്കും. പഞ്ചായത്ത് പ്രസിഡൻറ് ഉഷാകുമാരി അധ്യക്ഷത വഹിക്കും. പോത്തൻകോട് ബ്ലോക്ക് പഞ്ചായത്ത് പ്രസിഡൻറ് ഷാനിബ ബീഗം, ജില്ലപഞ്ചായത്തംഗം എം. ജലീൽ, ബ്ലോക്ക് പഞ്ചായത്ത് മെംബർമാരായ കുന്നുംപുറം വാഹിദ്, അൽത്താഫ്, ജലജകുമാരി, ഗ്രാമപഞ്ചായത്ത് വൈസ് പ്രസിഡൻറ് പൊടിമോൻ അഷ്റഫ്, മറ്റ് ജനപ്രതിനിധികൾ എന്നിവർ പങ്കെടുക്കും.