വിമാനത്താവളത്തിൽ 15 ലക്ഷം രൂപയുടെ സ്വര്‍ണവുമായി യുവതി പിടിയില്‍

ശംഖുംമുഖം: എയര്‍ കസ്റ്റംസിൻെറ കണ്ണുവെട്ടിച്ച് കടത്താന്‍ ശ്രമിച്ച 15 ലക്ഷം രൂപയുടെ സ്വര്‍ണവുമായി യുവതി പിടിയില്‍. കൊല്ലം മയ്യനാട് സ്വദേശിനി സജിനിയാണ് തിരുവനന്തപുരം രാജ്യാന്തര വിമാനത്താവളത്തില്‍ എയര്‍ കസ്റ്റംസ് പിടിയിലായത്. ശനിയാഴ്ച ഷാര്‍ജയില്‍നിന്ന് എത്തിയ ഇൻഡിഗോ എയര്‍ലൈന്‍സിലെ യാത്രക്കാരിയായ ഇവര്‍ 400 ഗ്രാമിൻെറ സ്വർണാഭരണം ശരീരത്തിനുള്ളില്‍ ഒളിപ്പിച്ചാണ് കടത്താൻ ശ്രമിച്ചത്. എയര്‍ കസ്റ്റംസ് ഡെപ്യൂട്ടി കമീഷണര്‍ പ്രദീപിൻെറ നേതൃത്വത്തില്‍ സൂപ്രണ്ടുമാരായ പുഷ്പ, പുഷ്പ പിള്ള, ഇന്‍സ്പെക്ടര്‍മാരായ ഷിബു, വിന്‍സൻെറ്, രാംകുമാര്‍ എന്നിവരടങ്ങുന്ന സംഘമാണ് ഇവരെ പിടികൂടിയത്. ഒരാഴ്ചക്കുള്ളില്‍ വിദേശത്തുനിന്ന് എയര്‍ കസ്റ്റംസിൻെറ കണ്ണുവെട്ടിച്ച് കടത്താന്‍ ശ്രമിച്ച ഒരു കോടിയിലധികം വരുന്ന സ്വര്‍ണം എയര്‍ കസ്റ്റംസ് പിടികൂടിയിരുന്നു. പടം ക്യാപ്ഷന്‍: Swarnam.jpg വിമാനത്താവളത്തിൽ പിടികൂടിയ സ്വർണം