പെരുങ്ങുഴി കയര്‍ വ്യവസായ സഹകരണ സംഘം തൊഴിലാളികൾക്ക്​ എക്‌സ്​പോര്‍ഷര്‍ ടൂര്‍

ചിറയിന്‍കീഴ്: പെരുങ്ങുഴി കയര്‍ വ്യവസായ സഹകരണ സംഘത്തിലെ 50 തൊഴിലാളികൾക്കായി എക്‌സ്പോഷര്‍ ടൂര്‍ സംഘടിപ്പിച്ചു. കേരളത്തിലെയും തമിഴ്‌നാട്ടിലെയും വിവിധ സ്ഥലങ്ങള്‍ സന്ദര്‍ശിക്കുകയും വിവിധ തരം കയര്‍ യൂനിറ്റും ഉല്‍പന്നങ്ങളും പരിചയപ്പെടുത്തുകയുമായിരുന്നു ലക്ഷ്യം. കയര്‍ബോര്‍ഡിൻെറ റീജനല്‍ ഓഫിസുകളും കയര്‍ക്ലസ്റ്റര്‍ എന്നിവിടങ്ങളിലും സന്ദര്‍ശനം നടത്തി. ടൂറിൻെറ ഉദ്ഘാടനം കയര്‍ ഫെഡ് ഭരണസമിതി അംഗം ആര്‍. അജിത് നിർവഹിച്ചു. ആര്‍. അജിത്, വി. അനില്‍കുമാര്‍, വാരിജാക്ഷന്‍, അനിത, സുജാത, അംബിക, ശോഭിനി സുഗുണന്‍ എന്നിവര്‍ നേതൃത്വം നല്‍കി.