ത്രിദിന ക്യാമ്പ്‌ ആരംഭിച്ചു

ആറ്റിങ്ങൽ: ഗവ. ബോയ്സ് ഹയർ സെക്കൻഡറി സ്കൂളിലേയും അവനവഞ്ചേരി ഗവ. ഹൈസ്കൂളിലേയും സ്റ്റുഡൻറ് പൊലീസ് കാഡറ്റുകൾക്കായി സംഘടിപ്പിക്കുന്ന . നല്ല ഭൂമി... നല്ല നാളെ... എന്ന് പേരിട്ടിരിക്കുന്ന ക്യാമ്പിൽ 176 കാഡറ്റുകൾ പങ്കെടുക്കുന്നു. പരിസ്ഥിതി സംരക്ഷണത്തിന് ഊന്നൽ നൽകിയുള്ള വിവിധ സെഷനുകളും കായികപരിശീലനങ്ങളും ഉൾപ്പെടുത്തിയാണ് ക്യാമ്പ്. ആറ്റിങ്ങൽ നഗരസഭ ചെയർമാൻ എം. പ്രദീപ് ക്യാമ്പ് ഉദ്ഘാടനം ചെയ്തു. ആറ്റിങ്ങൽ ബോയ്സ് ഹയർ സെക്കൻഡറി സ്കൂൾ പി.ടി.എ പ്രസിഡൻറ് ബിജുകുമാർ അധ്യക്ഷത വഹിച്ചു. ആറ്റിങ്ങൽ ഡിവൈ.എസ്.പി വിദ്യാധരൻ മുഖ്യപ്രഭാഷണം നടത്തി. അസി. ജില്ല നോഡൽ ഓഫിസർ അനിൽകുമാർ, അഡ്വ. എൽ.ആർ. മധുസൂദനൻ നായർ, ഹെഡ്മാസ്റ്റർ എസ്. മുരളീധരൻ, പ്രിൻസിപ്പൽ രജിത്കുമാർ, ഐ.എസ്.എച്ച്.ഒ വി.വി. ദിപിൻ, എൻ. സാബു, എസ്. സബീല എന്നിവർ സംസാരിച്ചു. മൂന്നു ദിവസം നീണ്ടുനിൽക്കുന്ന ക്യാമ്പ് 29ന് സമാപിക്കും.