വാഹനാപകടത്തിൽ ദമ്പതികൾക്ക് ഗുരുതര പരിക്ക്

തിരുവനന്തപുരം: ലോറിയെ മറികടക്കാൻ ശ്രമിക്കുന്നതിനിടെ ലോറിയുടെ വശത്ത് തട്ടിവീണ സ്കൂട്ടർ യാത്രക്കാരായ ദമ്പതി കൾക്ക് ഗുരുതരമായി പരിക്കേറ്റു. വഴയില സ്വദേശിയായ കലേഷ് (40), ഭാര്യ രേഖ (38) എന്നിവർക്കാണ് പരിക്കേറ്റത്. ശനിയാഴ്ച രാത്രി 9.30ഓടെ കവടിയാർ അമ്പലമുക്കിലായിരുന്നു അപകടം. മുറിവേറ്റ ഇരുവരെയും ഉടൻതന്നെ നാട്ടുകാർ മെഡിക്കൽ കോളജ് ആശുപത്രിയിലെത്തിച്ചു. പേരൂർക്കട പൊലീസ് കേസെടുത്തു.