ജവാെൻറ മരണം: ബന്ധുക്കൾ പരാതി നൽകി

ജവാൻെറ മരണം: ബന്ധുക്കൾ പരാതി നൽകി തിരുവനന്തപുരം: നഗരത്തിലെ സ്വകാര്യ ആശുപത്രിയില്‍ രോഗി മരിച്ചത് ചികിത്സ പിഴവാ ണെന്ന് കാട്ടി ബന്ധുക്കള്‍ പൊലീസില്‍ പരാതി നല്‍കി. വലിയമല വി.എസ്.എസ്.സിയിലെ സി.ഐ.എസ്.എഫ് ജവാനായ അമ്പലപ്പുഴ പറക്കാട്ട് വലിയവീട്ടില്‍ പ്രശാന്ത് (43) ആണ് മരിച്ചത്. ഈമാസം 12ന് വലിയമല ആശുപത്രിയില്‍ പ്രവേശിപ്പിച്ച പ്രശാന്തിനെ അവിടെ നിന്നാണ് സ്വകാര്യ ആശുപത്രിയിലേക്ക് മാറ്റിയത്. തുടര്‍ന്ന് ശസ്ത്രക്രിയയും നടത്തി. ഇതിനെ തുടര്‍ന്നുണ്ടായ അണുബാധയാണ് മരണത്തിന് കാരണമെന്നാണ് ബന്ധുക്കളുടെ പരാതി. റവന്യൂ അധികൃതരുടെ നേതൃത്വത്തില്‍ ഇന്‍ക്വസ്റ്റ് നടത്തി മൃതദേഹം മെഡിക്കല്‍ കോളജ് മോര്‍ച്ചറിയിലേക്ക് മാറ്റി. മെഡിക്കൽ കോളജ് പൊലീസ് കേസെടുത്തു.