കെ.എസ്.ആർ.ടി.സി ബസിടിച്ച് കാൽനടയാത്രക്കാരന് പരിക്ക്

വിഴിഞ്ഞം: വിഴിഞ്ഞത്ത് കെ.എസ്.ആർ.ടി.സി ബസിടിച്ച് വൃദ്ധനായ കാൽനടയാത്രക്കാരന് ഗുരുതര പരിക്ക്. പരിക്കേറ്റയാളെ മെഡ ിക്കൽ കോളജ് ആശുപത്രിയിൽ പ്രവേശിപ്പിച്ചു. ഗുരുതര പരിക്കേറ്റതിനെ തുടർന്ന് അബോധാവസ്ഥയിലായ 60 വയസ്സ് പ്രായം തോന്നിക്കുന്നയാളെ തിരിച്ചറിഞ്ഞിട്ടില്ലെന്ന് വിഴിഞ്ഞം പൊലീസ് പറഞ്ഞു. ബുധനാഴ്ച രാത്രി 8.30 ഓടെ വിഴിഞ്ഞം ഉച്ചക്കടയിലായിരുന്നു അപകടം. വിഴിഞ്ഞം ഡിപ്പോയിൽനിന്ന് കാട്ടാക്കടയിലേക്ക് പോയ ബസാണ് അപകടം സൃഷ്ടിച്ചത്. വൃദ്ധനെ ഇടിച്ചിട്ട ബസിൻെറ ടയർ കാലിൽ കയറിയ നിലയിലായിരുന്നു. വിഴിഞ്ഞത്തുനിന്ന് ഫയർഫോഴ്സ് എത്തിയാണ് പരിക്കേറ്റയാളെ ടയറിനടിയിൽനിന്ന് പുറത്തെടുത്ത് 108 ആംബുലൻസിൽ ആശുപത്രിയിലാക്കിയതെന്ന് ഫയർഫോഴ്സ് അധികൃതർ പറഞ്ഞു.