മോഹൻ ഭാഗവത് അമൃതാനന്ദമയിയെ സന്ദർശിച്ചു

കൊല്ലം: ആര്‍.എസ്.എസ് സര്‍സംഘ് ചാലക് മോഹന്‍ ഭാഗവത് ചൊവ്വാഴ്ച മാത അമൃതാനന്ദമയിയെ സന്ദര്‍ശിച്ചു. രാവിലെ 10.30ഓടെയാണ ് അമൃതപുരിയില്‍ എത്തിയത്. ഒരുമണിക്കൂറോളം അമൃതാനന്ദമയിയുമായി സംസാരിച്ചു. ഉച്ചഭക്ഷണത്തിനുശേഷം വൈകീട്ട് മൂന്നോടെ അദ്ദേഹം തിരുവനന്തപുരത്തേക്ക് തിരിച്ചു. ആര്‍.എസ്.എസ് അഖിലഭാരതീയ കാര്യകാരി സദസ്യന്‍ എസ്. സേതുമാധവന്‍, ദക്ഷിണ ക്ഷേത്രീയ സേവ പ്രമുഖ് കെ. പദ്മകുമാര്‍, പ്രാന്തസംഘചാലക് പി.ഇ.ബി. മേനോന്‍, പ്രാന്തകാര്യവാഹ് പി. ഗോപാലന്‍കുട്ടി എന്നിവരും ഒപ്പമുണ്ടായിരുന്നു.