വഴിയോര കച്ചവടത്തൊഴിലാളികൾക്ക് ലൈസൻസും തിരിച്ചറിയൽ കാർഡും നൽകണം

തിരുവനന്തപുരം: സംസ്ഥാനത്തെ മുഴുവൻ വഴിയോര കച്ചവടത്തൊഴിലാളികൾക്കും ലൈസൻസ് നൽകുന്നതിനും തിരിച്ചറിയൽ കാർഡുകൾ വിതരണം ചെയ്യുന്നതിനുമാവശ്യമായ നടപടികൾ സ്വീകരിക്കണമെന്ന് എ.ഐ.ടി.യു.സി നേതൃത്വത്തിലുള്ള തിരുവനന്തപുരം ജില്ല വഴിയോര കച്ചവടത്തൊഴിലാളി യൂനിയൻ പ്രസിഡൻറ് പി.എസ്. നായിഡു, ജനറൽ സെക്രട്ടറി മൈക്കിൾ ബാസ്റ്റ്യൻ എന്നിവർ ആവശ്യപ്പെട്ടു. തൊഴിലാളികൾ ആഗസ്റ്റ് 29ന് സെക്രേട്ടറിയറ്റിന് മുന്നിൽ കൂട്ടധർണ നടത്തുമെന്ന് ഭാരവാഹികൾ അറിയിച്ചു. ധർണ എ.ഐ.ടി.യു.സി സംസ്ഥാന ജനറൽ സെക്രട്ടറി കെ.പി. രാജേന്ദ്രൻ ഉദ്ഘാടനം ചെയ്യും.