ചിദംബരത്തിന്​ പിന്തുണയുമായി സ്​റ്റാലിൻ

ചെന്നൈ: മുൻ കേന്ദ്രമന്ത്രിയും കോൺഗ്രസ് നേതാവുമായ പി. ചിദംബരത്തെ ബി.ജെ.പി സർക്കാർ രാഷ്ട്രീയമായി വേട്ടയാടുകയാണെന്ന് ഡി.എം.കെ അധ്യക്ഷൻ എം.കെ. സ്റ്റാലിൻ. ചിദംബരം നിയമവിദഗ്ധൻകൂടിയാണ്. അതിനാൽ ഇതിനെ അദ്ദേഹം നിയമപരമായിതന്നെ നേരിടുമെന്നും സ്റ്റാലിൻ അഭിപ്രായപ്പെട്ടു. ജമ്മു-കശ്മീർ വിഷയവുമായി ബന്ധപ്പെട്ട് അറസ്റ്റിലായ രാഷ്ട്രീയ നേതാക്കളെ വീട്ടുതടങ്കലിൽനിന്ന് മോചിപ്പിക്കണമെന്നാവശ്യപ്പെട്ട് വ്യാഴാഴ്ച ഡൽഹിയിൽ ഡി.എം.കെ ആഭിമുഖ്യത്തിൽ സംഘടിപ്പിക്കുന്ന ധർണയിൽ 14 രാഷ്ട്രീയ കക്ഷി പ്രതിനിധികൾ പെങ്കടുക്കുമെന്നും അദ്ദേഹം അറിയിച്ചു.