വീടുപണിക്കിടെ മണ്ണിടിഞ്ഞു; തൊഴിലാളിയെ ഫയർഫോഴ്‌സ് രക്ഷപ്പെടുത്തി

കഴക്കൂട്ടം: വീടുനിർമാണത്തിനിടെ മണ്ണിടിഞ്ഞുവീണ തൊഴിലാളിയെ ഫയർഫോഴ്‌സ് രക്ഷപ്പെടുത്തി ആശുപത്രിയിൽ പ്രവേശിപ്പ ിച്ചു. തിരുമല പുന്നക്കാമുകൾ സ്വദേശി രാജൻ (37)ആണ് അപകടത്തിൽപെട്ടത്. ശ്രീകാര്യം, കല്ലമ്പള്ളി, കരുമ്പുകോണം ക്ഷേത്രത്തിനു സമീപം ശ്യാമിനുവേണ്ടി പുതിയതായി നിർമിക്കുന്ന വീടിൻെറ പില്ലറിന് കുഴി എടുക്കുമ്പോൾ ഏഴടിയോളം താഴ്ചയുള്ള കുഴിയിൽ മണ്ണിടിഞ്ഞുവീഴുകയായിരുന്നു. അപകട സമയം പണി ചെയ്യുമ്പോൾ രാജൻ മാത്രമാണുണ്ടായിരുന്നത്. തുടർന്ന്, ഫയർഫോഴ്‌സ് കഴക്കൂട്ടം സ്റ്റേഷൻ ഓഫിസർ ജിഷാദ്. ജെ, തിരുവനന്തപുരം സ്റ്റേഷൻ ഓഫിസർ അശോക് കുമാർ, കഴക്കൂട്ടം അസിസ്റ്റൻറ് സ്റ്റേഷൻ ഓഫിസർ കെ.പി. മധു, ശ്രീകാര്യം പൊലീസ് എന്നിവരുടെ നേതൃത്വത്തിൽ രക്ഷാപ്രവർത്തനം നടത്തി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. IMG-20190821-WA0016 (1) ഫയർഫോഴ്‌സ് രക്ഷാപ്രവർത്തനം നടത്തുന്നു