തുണിക്കടയിലെ ആക്രമണം: മൂന്നാംപ്രതി പിടിയില്‍

നേമം: തൃക്കണ്ണാപുരത്ത് തുണിക്കടയില്‍ കയറി ആക്രമണം നടത്തിയ സംഭവത്തിൽ ഒരാള്‍കൂടി നേമം പൊലീസിൻെറ പിടിയിലായി. കോലിയക്കോട് സ്വദേശി രതീഷ് (38) ആണ് പിടിയിലായത്. ഇയാള്‍ കേസിലെ മൂന്നാം പ്രതിയാണ്. കഴിഞ്ഞ ജൂലൈ 30 നായിരുന്നു പരാതിക്കാധാരമായ സംഭവം. തൃക്കണ്ണാപുരത്ത് തുണിക്കട നടത്തുന്ന ജിതിന്‍ ബാബു (24) വിൻെറ കടയിലെത്തിയ മൂന്നംഗസംഘം ഇദ്ദേഹെത്തയും മാതാവിനെയും ആക്രമിക്കുകയും പണം കവരുകയുമായിരുന്നു. ഒന്നും രണ്ടും പ്രതികളായ കോലിയക്കോട് സ്വദേശി അരുണും പൂഴിക്കുന്ന് സ്വദേശി സജുവും നേരത്തേ പൊലീസ് പിടിയിലായിരുന്നു.