സംസ്​ഥാന ക്ലബ്​ അത്​ലറ്റിക്​സ്​: കോതമംഗലം മാർ അതനേഷ്യസ്​ മുന്നിൽ

തിരുവനന്തപുരം: സംസ്ഥാന അന്തർജില്ല ക്ലബ് അത്ലറ്റിക്സ് ചാമ്പ്യൻഷിപ്പിൻെറ രണ്ടാം ദിനത്തെ മത്സരങ്ങൾ പൂർത്തിയായപ്പോൾ എറണാകുളം കോതമംഗലം മാർ അതനേഷ്യസ് സ്പോർട്സ് അക്കാദമി മുന്നിൽ. 206 പോയൻറുമായി കിരീടം ഏറക്കുറെ ഉറപ്പിച്ചാണ് അതനേഷ്യസ് ഒാവറോൾ കിരീടത്തിലേക്ക് നീങ്ങുന്നത്. 10 സ്വർണവും 12 വെള്ളിയും 15 വെങ്കലവുമാണ് അതനേഷ്യസിൻെറ മെഡൽപട്ടികയിലുള്ളത്. 149 പോയൻറുമായി കോഴിക്കോട് പുല്ലൂരാമ്പാറ മലബാർ സ്പോർട്സ് അക്കാദമിയാണ് രണ്ടാം സ്ഥാനത്ത്. ആറ് സ്വർണം, ഒമ്പത് വെള്ളി, ആറ് വെങ്കലം എന്നിവയാണ് അവരുടെ സമ്പാദ്യം. 145 പോയൻറുമായി തിരുവനന്തപുരം സായി മൂന്നാംസ്ഥാനത്തുമാണുള്ളത്. 13 സ്വർണം, നാല് വെള്ളി, രണ്ട് വെങ്കലം എന്നിങ്ങനെയാണ് സായിയുടെ നേട്ടം. ചാമ്പ്യൻഷിപ് വെള്ളിയാഴ്ച സമാപിക്കും.