വഴിയോര കച്ചവട സംരക്ഷണ നിയമം പഞ്ചായത്തുകളിലും നടപ്പാക്കണം -എഫ്.ഐ.ടി.യു

തിരുവനന്തപുരം: വഴിയോര കച്ചവട സംരക്ഷണ നിയന്ത്രണ നിയമം ഗ്രാമപഞ്ചായത്തുകളിലും നടപ്പാക്കണമെന്ന് എഫ്.ഐ.ടി.യു. ഇടതു -വലതു ഭരണ സമിതികൾ വഴിയോര കച്ചവടക്കാരെ രണ്ടാം തരം പൗരന്മാരായി കാണുകയും നഗരസഭകൾ നിയമം നടപ്പാക്കാൻ അലംഭാവം കാണിക്കുകയുമാണ്. ഈ മേഖലയിൽ ഉപജീവനം നടത്തുന്ന വലിയ വിഭാഗം ഗ്രാമങ്ങളിലാണ്. ഇക്കാര്യങ്ങൾ ഉന്നയിച്ച് കലക്ടറേറ്റ് പടിക്കൽ നിരാഹാര സമരവും സെക്രേട്ടറിയറ്റ് മാർച്ചും സംഘടിപ്പിക്കുമെന്നും എഫ്.ഐ.ടി.യു ജില്ല പ്രസിഡൻറ് മധു കല്ലറ അറിയിച്ചു.