കളഞ്ഞുകിട്ടിയ പണവും രേഖകളും തിരികെ നൽകി

കല്ലമ്പലം: പത്രവിതരണത്തിനിടെ കളഞ്ഞുകിട്ടിയ പണം ഉടമസ്ഥന് തിരികെ നൽകി പത്ര ഏജൻറും പത്രപ്രവർത്തകനുമായ സുനിൽ കു മാർ മാതൃകയായി. കഴിഞ്ഞ ദിവസം രാവിലെ മണമ്പൂർ ആശുപത്രി മുക്കിനു സമീപത്തെ കടത്തിണ്ണയിൽനിന്നാണ് പതിനായിരത്തോളം രൂപയും എ.ടി.എം, തിരിച്ചറിയൽ കാർഡുകൾ ഉൾപ്പെടെ കിട്ടിയത്. ഉടൻ തന്നെ കല്ലമ്പലം പൊലീസ് സ്റ്റേഷനിൽ വിവരമറിയിക്കുകയും ഉടമയായ മണമ്പൂർ അനിതാ മന്ദിരത്തിൽ ഉത്തമൻെറ മകൻ അക്കുവിന് പഴ്സ് കൈമാറുകയും ചെയ്തു.