വൈദ്യുതി നിരക്ക് വർധന ജനങ്ങളുടെ ദുരിതം വര്‍ധിപ്പിക്കും -ബി.ജെ.പി

തിരുവനന്തപുരം: പ്രളയാനന്തര ദുരിതം അനുഭവിക്കുന്ന കേരളത്തിന് വൈദ്യുതി നിരക്ക് വർധന താങ്ങാന്‍ കഴിയില്ലെന്ന് ബി.ജെ.പി സംസ്ഥാന പ്രസിഡൻറ് അഡ്വ. പി.എസ്. ശ്രീധരൻപിള്ള. ഉല്‍പാദന-സേവന രംഗങ്ങളുള്‍പ്പെടെ എല്ലാ മേഖലകളിലും നിരക്ക് വര്‍ധന ദോഷകരമായി ബാധിക്കും. കേരളത്തെ നിക്ഷേപ സൗഹൃദ സംസ്ഥാനമാക്കി മാറ്റാനുള്ള ശ്രമങ്ങള്‍ക്ക് നിരക്ക് വര്‍ധന കനത്ത തിരിച്ചടിയാകും. അതിനാല്‍ നിരക്ക് വര്‍ധന അടിച്ചേല്‍പിച്ച് ജനങ്ങളെ പൊറുതിമുട്ടിക്കുന്ന നടപടി പിന്‍വലിക്കണമെന്ന് അദ്ദേഹം ആവശ്യപ്പെട്ടു.