എസ്.എഫ്.ഐ ആക്രമണവും പൊലീസ് ലാത്തിച്ചാർജും: സെക്ര​േട്ടറിയറ്റ് മാർച്ച് നടത്തി

തിരുവനന്തപുരം: സംസ്ഥാനവ്യാപകമായി ഫ്രറ്റേണിറ്റി മൂവ്മൻെറ് സംഘടിപ്പിക്കുന്ന സാഹോദര്യ രാഷ്ട്രീയ ജാഥക്ക് നേരെ തിരുവനന്തപുരം ലോ കോളജിൽ പൊലീസ് നടത്തിയ ലാത്തിച്ചാർജിനെതിരെയും എസ്.എഫ്.ഐക്കാർ നടത്തിയ കല്ലേറിനെതിരെയും വെൽഫെയർ പാർട്ടിയുടെയും ഫ്രറ്റേണിറ്റിയുടെയും സംയുക്താഭിമുഖ്യത്തിൽ സെക്രേട്ടറിയറ്റിലേക്ക് പ്രതിഷേധ മാർച്ച് സംഘടിപ്പിച്ചു. പ്രതിഷേധ മാർച്ച് വെൽഫെയർ പാർട്ടി സംസ്ഥാന ജനറൽ സെക്രട്ടറി കെ.എ. ഷെഫീഖ് ഉദ്ഘാടനം ചെയ്തു. ജാഥയെ പൊലീസിനെ ഉപയോഗിച്ച് തല്ലിക്കെടുത്താനുള്ള പിണറായിയുടെ ശ്രമത്തെ എന്തുവിലകൊടുത്തും ചെറുത്തുതോൽപിക്കണമെന്ന് കെ.എ. ഷെഫീഖ് ആവശ്യപ്പെട്ടു. ജാഥ ക്യാപ്റ്റൻ ഷംസീർ ഇബ്രാഹിം മുഖ്യപ്രഭാഷണം നടത്തി. എഫ്.ഐ.ടി.യു സംസ്ഥാന സെക്രട്ടറി ജോസഫ് ജോൺ, വെൽഫെയർ പാർട്ടി ജില്ല വൈസ് പ്രസിഡൻറ് മധു കല്ലറ എന്നിവർ സംസാരിച്ചു. വെൽഫെയർ പാർട്ടി ജില്ല പ്രസിഡൻറ് എൻ.എം. അൻസാരി അധ്യക്ഷത വഹിച്ചു. ഫ്രറ്റേണിറ്റി മൂവ്മൻെറ് ജില്ല പ്രസിഡൻറ് ആദിൽ അബ്ദുൽ റഹിം സ്വാഗതവും ജില്ല ജനറൽ സെക്രട്ടറി രഞ്ജിനി മഹേഷ് നന്ദിയും പറഞ്ഞു. photo IMG-20190701-WA0417