ക​െണ്ടയ്​നർ ലോറി ബൈക്കിലിടിച്ച് സ്ത്രീ മരിച്ചു

ചവറ: ദേശീയപാതയില്‍ കെണ്ടയ്നര്‍ ലോറിയിടിച്ച് ഭര്‍ത്താവിനൊപ്പം ബൈക്കിൽ യാത്ര ചെയ്യുകയായിരുന്ന യുവതി മരിച്ചു. നീണ്ടകര പുത്തന്‍തുറ മക്കാടത്ത് വീട്ടില്‍ പ്രസന്നയാണ് (38) മരിച്ചത്. ഭര്‍ത്താവ് പൊന്നനെ പരിക്കുകളോടെ ആശുപത്രിയില്‍ പ്രവേശിപ്പിച്ചു. വെള്ളിയാഴ്ച രാത്രി 10.45 ഓടെ ചവറപാലത്തിന് സമീപമായിരുന്നു അപകടം. ബൈക്കിൽ വീട്ടിലേക്ക് വരുന്നതിനിടയില്‍ എതിരെ വന്ന ലോറിയിടിക്കുകയായിരുന്നു. ഇടിയുടെ ആഘാതത്തില്‍ റോഡിലേക്ക് തെറിച്ചുവീണ പ്രസന്നയുടെ ദേഹത്തുകൂടി പിന്നാലെ വന്ന മറ്റൊരു കെണ്ടയ്നർ ലോറി കയറിയിറങ്ങുകയായിരുന്നുവെന്ന് ദൃക്‌സാക്ഷികള്‍ പറഞ്ഞു. അപകടത്തെതുടർന്ന് ദേശീയപാതയിൽ അരണിക്കൂറോളം ഗതാഗതം സ്തംഭിച്ചു.