ബാലഭാസ്​കറി​െൻറ മരണം: ഹൈകോടതിയിൽ ഇന്ന്​ റിപ്പോർട്ട്​ സമർപ്പിക്കും

ബാലഭാസ്കറിൻെറ മരണം: ഹൈകോടതിയിൽ ഇന്ന് റിപ്പോർട്ട് സമർപ്പിക്കും തിരുവനന്തപുരം: ബാലഭാസ്കറിൻെറ അപകടമരണവുമായി ബന്ധപ്പെട്ട് അന്വേഷണ ചുമതലയുള്ള ക്രൈംബ്രാഞ്ച് സംഘം ഹൈകോടതിയിൽ ഇന്ന് റിപ്പോർട്ട് സമർപ്പിക്കും. രണ്ടു ദിവസത്തിനകം റിപ്പോർട്ട് നൽകണമെന്ന് ഹൈകോടതി ചൊവ്വാഴ്ച ആവശ്യപ്പെട്ടിരുന്നു. അപകടമരണം സംബന്ധിച്ച ഇതുവരെയുള്ള അന്വേഷണ റിപ്പോർട്ടായിരിക്കും നൽകുകയെന്ന് അന്വേഷണസംഘത്തലവൻ ഡിവൈ.എസ്.പി പി. ഹരികൃഷ്ണൻ വ്യക്തമാക്കി. അതിനിടെ സ്വർണക്കടത്ത് കേസിലെ പ്രതികളും ബാലഭാസ്കറിൻെറ അടുപ്പക്കാരുമായ പ്രകാശൻ തമ്പി, വിഷ്ണു സോമസുന്ദരം എന്നിവരെ അപകടവുമായി ബന്ധിപ്പിക്കുന്ന തെളിവുകളൊന്നും ഇതുവരെയുള്ള അന്വേഷണത്തിൽ ലഭ്യമായിട്ടില്ലെന്നാണ് വിവരം. അപകടസമയത്ത് വാഹനമോടിച്ചത് ആരെന്നത് സംബന്ധിച്ച അന്വേഷണവും തെളിവ് ശേഖരിക്കലും അവസാനഘട്ടത്തിലാണ്. ഇതിനായി ഡി.എൻ.എ പരിശോധന ഉൾപ്പെടെ കാര്യങ്ങൾ അന്തിമഘട്ടത്തിലാണ്.