റേഷൻ സാധനങ്ങൾ കടത്തിയ കേസിലെ പ്രതി കോടതിയിൽ കീഴടങ്ങി

(ചിത്രം) * കഴിഞ്ഞദിവസം പൊലീസ് പിടിയിലായിരുെന്നങ്കിലും സ്റ്റേഷനിൽനിന്ന് ഒാടി രക്ഷപ്പെട്ടു കരുനാഗപ്പള്ളി: റേഷ ൻ ഭക്ഷ്യധാന്യങ്ങൾ കരിഞ്ചന്തയിൽ കടത്തിയ കേസിൽ ഒളിവിൽ കഴിഞ്ഞ പ്രതി കോടതിയിൽ കീഴടങ്ങി. പ്രതിയെ കരുനാഗപ്പള്ളി മജിസ്ട്രേറ്റ് കോടതി റിമാൻഡ് ചെയ്തു. മാസങ്ങൾക്ക് മുമ്പ് വട്ടപറമ്പിൽ റേഷൻ ധാന്യങ്ങൾ അനധികൃതമായി സൂക്ഷിച്ച കേസിലെ പ്രതി വട്ടപറമ്പിന് സമീപം വാണിയൻറയ്യത്ത് (റജീന മൻസിൽ) നൗഷാദാണ് കോടതിയിൽ കീഴടങ്ങിയത്. ഇയാൾ കഴിഞ്ഞദിവസം പോലീസ് പിടിയിലായിരുെന്നങ്കിലും സ്റ്റേഷനിൽനിന്ന് തന്ത്രപരമായി ഓടിരക്ഷപ്പെടുകയായിരുന്നു. ഇയാൾക്കായി പൊലീസ് വ്യാപക അന്വേഷണം നടത്തിവരവെയാണ് ബുധനാഴ്ച കോടതിയിൽ കീഴടങ്ങിയത്.