കെ.എസ്​.സി പിന്തുണ പി.ജെ. ജോസഫ്​ പക്ഷത്തിന്

തിരുവനന്തപുരം: കേരള കോൺഗ്രസ് (എം) വിദ്യാർഥി വിഭാഗമായ കെ.എസ്.സി സംസ്ഥാന സമിതിയോഗം പി.ജെ. ജോസഫ് പക്ഷത്തിന് പിന ്തുണ പ്രഖ്യാപിച്ചു. പി.ജെ. ജോസഫും സി.എഫ്. തോമസും നയിക്കുന്ന കേരള കോൺഗ്രസിന് പൂർണ പിന്തുണ പ്രഖ്യാപിച്ച യോഗം, ജോസ് കെ. മാണി ഉൾപ്പെടെ പാർട്ടിയിെല ഏത് ഉന്നതനായാലും പാർട്ടി അച്ചടക്കം ലംഘിച്ചാൽ നടപടിയെടുക്കണമെന്ന് ആവശ്യപ്പെട്ടു. സംസ്ഥാന പ്രസിഡൻറ് രാകേഷ് ഇടപ്പുരയാണ് പ്രമേയം അവതരിപ്പിച്ചത്. പത്ത് ജില്ല പ്രസിഡൻറുമാർ ഉൾപ്പെടെ ആകെയുള്ള 85 സംസ്ഥാന കമ്മിറ്റി അംഗങ്ങളിൽ 70 പേരും യോഗത്തിൽ പെങ്കടുത്തുവെന്ന് സംസ്ഥാന പ്രസിഡൻറ് അറിയിച്ചു. യോഗം മോൻസ് ജോസഫ് എം.എൽ.എ ഉദ്ഘാടനം െചയ്തു.