പഠനോപകരണങ്ങൾ വിതരണം ചെയ്​തു

തിരുവനന്തപുരം: ഡോ. കെ.ആർ. നാരായണൻ ഫൗണ്ടേഷൻെറ ആഭിമുഖ്യത്തിൽ തമ്പാനൂർ മാഞ്ഞാലിക്കുളം കൈവല്യ ഒാഡിറ്റോറിയത്തിൽ വിദ്യാർഥികൾക്ക് പഠനോപകരണങ്ങളും അമ്മമാർക്ക് റമദാൻ കിറ്റും രോഗികൾക്ക് ചികിത്സ ധനസഹായവും നൽകി. തിരുവല്ലം ശ്രീകണ്ഠൻെറ അധ്യക്ഷതയിൽ ഡെപ്യൂട്ടി സ്പീക്കർ വി. ശശി ഉദ്ഘാടനം നിർവഹിച്ചു. ഡോ. കെ.ആർ. നാരായണൻ ഉന്നത വിദ്യാഭ്യാസം നേടിയത് വളരെ സാധുകുടുംബത്തിൽ നിന്നാണെന്ന് ഒാർക്കണമെന്നും വന്നവഴികൾ ആരും മറക്കരുതെന്നും ഇനി വിദ്യാഭ്യാസംകൊണ്ടേ ജീവിതം മുന്നോട്ടുനയിക്കാൻ കഴിയുള്ളൂ എന്നും അദ്ദേഹം വിദ്യാർഥികളോട് പറഞ്ഞു.