അറ്റകുറ്റപ്പണി, തമ്പാനൂരിൽ പാർക്കിങ്​ നിയന്ത്രണം

തിരുവനന്തപുരം: ടാറിങ് അടക്കം അറ്റകുറ്റപ്പണി നടക്കുന്നതിനാൽ തമ്പാനൂർ റെയിൽവേ സ്റ്റേഷനിലെ കുടുംബശ്രീ പാർക്കിങ് ഏരിയയിൽ ഒരു മാസത്തേക്ക് നിയന്ത്രണം. പാർക്കിങ് ഏരിയയിലെ ഒരു ഭാഗത്താണ് േജാലികൾ നടക്കുന്നത്. മഴ പെയ്യുന്നതോടെ വെള്ളവും ചളിയും കെട്ടിനിൽക്കുന്നത് ബുദ്ധിമുട്ടുണ്ടാക്കുന്നതായി വ്യാപക പരാതിയുണ്ടായിരുന്നു. ഇതേ തുടർന്നാണ് ജോലികൾ ഒരുമാസത്തിനുള്ളിൽ പൂർത്തിയാക്കണമെന്ന വ്യവസ്ഥയോടെ കരാർ നൽകിയത്. നൂറോളം കാറുകൾക്കാണ് ഇവിടെ പാർക്കിങ്ങിന് സൗകര്യമുള്ളത്. നിയന്ത്രണമുള്ളതിനാൽ പകുതിയോളം വാഹനങ്ങെളയേ ഉൾക്കൊള്ളാനായുള്ളൂ. അതേസമയം, പ്രീമിയം പാർക്കിങ് ഏരിയയിലെ സൗകര്യം ഉപയോഗപ്പെടുത്തിയവരും ഏറെയാണ്.