സ്വർണം അപഹരിച്ച യുവാവ് അറസ്​റ്റിൽ

കൊട്ടാരക്കര: വീട്ടിൽനിന്ന് സ്വർണം അപഹരിച്ച യുവാവിനെ കൊട്ടാരക്കര പൊലീസ് അറസ്റ്റ് ചെയ്തു. അടൂർ പൂതൻകര ഷാജി ഭവനി ൽ പ്രമോദ് മോഹൻ (35) ആണ് അറസ്റ്റിലായത്. ഒരു മാസം മുമ്പാണ് സംഭവം നടന്നത്. കൊട്ടാരക്കര കോൺഗ്രസ്‌ ബ്ലോക്ക്‌ പ്രസിഡൻറ് ഒ. രാജൻെറ കൊട്ടാരക്കരയിലെ വീട്ടിൽ നിന്നുമാണ് ഇയാൾ 12 പവനോളം സ്വർണം അപഹരിച്ചത്. പരാതി നൽകിയതിനെ തുടർന്ന് പൊലീസ് നടത്തിയ അന്വേഷണത്തിൽ കഴിഞ്ഞ ദിവസം അടൂരിൽനിന്ന് ഇയാളെ പിടികൂടുകയായിരുന്നു. കൊട്ടാരക്കര പൊലീസ് സ്റ്റേഷനിലെത്തിച്ച ഇയാളെ ചോദ്യം ചെയ്ത് വരുന്നു.