കേളേശ്വരം ക്ഷേത്രത്തിലെ അക്രമം; ഒരാള്‍കൂടി അറസ്​റ്റില്‍

നേമം: പുന്നമൂട് കേളേശ്വരം രക്തേശ്വരി ക്ഷേത്രത്തിലുണ്ടായ അക്രമവുമായി ബന്ധപ്പെട്ട് ഒരാള്‍കൂടി അറസ്റ്റില്‍. കേ ളേശ്വരം സ്വദേശി ദിലീപാണ് (30) അറസ്റ്റിലായത്. കഴിഞ്ഞ വെള്ളിയാഴ്ച രാത്രി 9.30നായിരുന്നു ക്ഷേത്രോത്സവവുമായി ബന്ധപ്പെട്ട് നടന്ന ഗാനമേളക്കിടെ സംഘര്‍ഷമുണ്ടായത്. പൊലീസ് ജീപ്പ് തകര്‍ക്കപ്പെടുകയും ഭാരവാഹികള്‍ ഉള്‍പ്പെടെയുള്ളവര്‍ക്ക് പരിക്കേല്‍ക്കുകയും ചെയ്തിരുന്നു. പൊലീസിനെ ആക്രമിക്കുകയും കൃത്യനിർവഹണം തടസ്സപ്പെടുത്തുകയും ചെയ്തതിനാണ് ദിലീപിനെതിരെ കേസെടുത്തിരിക്കുന്നത്. കല്ലിയൂര്‍ സ്വദേശികളായ ശിവദത്ത് (23), രാജേഷ് (45) എന്നിവര്‍ നേരത്തെ അറസ്റ്റിലായിരുന്നു. ദിലീപ് മാസങ്ങള്‍ക്കു മുമ്പ് നടന്ന ഒരു ക്രിമിനല്‍ കേസിൽ പ്രതിയാണെന്ന് പൊലീസ് പറഞ്ഞു.