വോ​െട്ടടുപ്പ്​ അവസാനിക്കുന്നതിന്​ 48 മണിക്കൂർ മുമ്പുമുതൽ ടി.വി പരസ്യം പാടില്ല

തിരുവനന്തപുരം: വോെട്ടടുപ്പ് അവസാനിക്കുന്ന സമയത്തിന് 48 മണിക്കൂർ മുമ്പു മുതൽ ടെലിവിഷൻ, റേഡിയോ, സമാന മാധ്യമങ്ങൾ എ ന്നിവയിലൂടെ പ്രചാരണമോ പരസ്യങ്ങളോ പാടിെല്ലന്ന് മുഖ്യ തെരഞ്ഞെടുപ്പ് ഓഫിസർ. അച്ചടി മാധ്യമങ്ങളിൽ ഇക്കാലയളവിൽ പരസ്യം പ്രസിദ്ധീകരിക്കണമെങ്കിൽ സംസ്ഥാന/ജില്ലതല മീഡിയ സർട്ടിഫിക്കേഷൻ ആൻഡ് മോണിറ്ററിങ് കമ്മിറ്റി (എം.സി.എം.സി) യുടെ മുൻകൂർ അനുമതി വേണം. കേരളത്തിൽ 22നും 23നും ഈ നിബന്ധന പാലിക്കണം. മുൻകൂർ സർട്ടിഫിക്കേഷൻ ലഭിക്കാൻ പരസ്യം എം.സി.എം.സിക്ക് സമർപ്പിക്കേണ്ട അവസാന തീയതി 19ന് വൈകുന്നേരം ആറ്. പ്രചാരണത്തിൻെറ അവസാനഘട്ടങ്ങളിൽ എതിർകക്ഷികൾക്ക് മറുപടി നൽകാൻ അവസരം ലഭിക്കാത്തവിധത്തിൽ തെറ്റായ ആക്ഷേപം പ്രചരിപ്പിക്കുന്നത് തടയാനാണ് നടപടിയെന്ന് കമീഷൻ വൃത്തങ്ങൾ പറഞ്ഞു.