നാടൻപടക്കവും കഞ്ചാവും വടിവാളുമായി യുവാക്കൾ പിടിയിൽ

വലിയതുറ: . കുന്നുകുഴി തേക്കിൻമൂട് സ്വദേശി കണ്ണൻ എന്ന ബിഥുൻ (20), നെടുമങ്ങാട് കരകുളം ഹൈസ്കൂളിന്സമീപം വാടകയ്ക്കു താ മസിക്കുന്ന അബു എന്ന അബു താഹിർ (24) എന്നിവരാണ് പിടിയിലായത്. നാടൻപടക്കവും വടിവാളുമായി രാത്രി സ്കൂട്ടറിൽകറങ്ങി കഞ്ചാവ് കച്ചവടം നടത്തുന്ന ഇവർ ആയുധമുപയോഗിച്ച് ഭീകരാന്തരീക്ഷം സൃഷ്ടിച്ച് രക്ഷപ്പെടാറാണ് പതിവ്. കഴിഞ്ഞ ദിവസം പൊലീസ് വാഹന പരിശോധനക്കിടെ പൊലീസിനെ കണ്ട് രക്ഷപ്പെടാൻ ശ്രമിക്കുന്നതിനിടെ പൊലീസ് പിടികൂടുകയായിരുന്നു. ഇവരുടെ പക്കൽനിന്ന് വിൽപനക്ക് െവച്ചിരുന്ന 44 ഗ്രാം കഞ്ചാവും സ്കൂട്ടറും പിടിച്ചെടുത്തിട്ടുണ്ട്. വലിയതുറ സി.ഐ ഷെറിയുടെ നേതൃത്വത്തിൽ സബ് ഇൻസ്പെക്ടർ ശ്യാം രാജ് ജെ. നായർ, ക്രൈം എസ്.ഐ അശോകൻ നായർ, എ.എസ്.ഐമാരായ അജിത്ത്കുമാർ, മനോഹരൻ സീനിയർ സിവിൽ പൊലീസ് ഒാഫിസർ സന്തോഷ്കുമാർ എന്നിവരാണ് പ്രതികളെ പിടികൂടിയത്.