ആശാൻ അക്കാദമിയുടെ ഉദയാസ്തമയ കാവ്യപൂജ

തിരുവനന്തപുരം: ആശാൻ അക്കാദമി മഹാകവി കുമാരനാശാൻെറ 146ാമത് ജന്മവാർഷികവും ചിന്താവിഷ്ടയായ സീത എന്ന ഖണ്ഡകാവ്യത്തിൻെറ ശതാബ്ദി ആഘോഷവും സംഘടിപ്പിച്ചു. പ്രഫ.എം.ആർ.സഹൃദയൻ തമ്പി അധ്യക്ഷതവഹിച്ചു. കവി ഏഴാച്ചേരി രാമചന്ദ്രൻ ഉദയപൂജയായി കവിത അവതരിപ്പിച്ചു. പ്രഫ.ജി.എൻ.പണിക്കർ ആശാൻ കവിതയെക്കുറിച്ച് സംസാരിച്ചു. പ്രഫ.വിശ്വമംഗലം സുന്ദരേശൻ, കാര്യവട്ടം ശ്രീകണ്ഠൻ നായർ, മടവൂർ രാധാകൃഷ്ണൻ, ദേശാഭിമാനി ഗോപി, സുമേഷ് കൃഷ്ണൻ, ഡോ. ശശികല, തിരുമല ശിവൻകുട്ടി, രവി മടവൂർ, എം.ടി. ഗിരിജാകുമാരി, ആറ്റിങ്ങൽ സി. ദിവാകരൻ, ബിയാട്രിസ് ഗോമസ് എന്നിവർ കവിത അവതരിപ്പിച്ചു. രാവിലെ 10.30ന് മേയർ വി.കെ. പ്രശാന്ത് ആശാൻ പ്രതിമയിൽ ഹാരാർപ്പണം നടത്തി. വൈകീട്ട് 6.32ന് കവി പ്രഭാവർമ സമാപന കവിത അവതരിപ്പിച്ചു.