നഷ്​ടപ്പെട്ട പഴ്‌സ് ഉടമക്ക്​​ തിരികെനല്‍കി

തിരുവനന്തപുരം: പെട്രോൾ പമ്പില്‍ ഇന്ധനം നിറയ്ക്കാന്‍ പോകുന്നതിനിടെ നഷ്ടപ്പെട്ട പഴ്‌സ് ഉടമക്ക് തിരികെനല്‍കി. മെഡിക്കല്‍ കോളജിലെ മുന്‍ ജീവനക്കാരനും സമീപവാസിയുമായ ഡി. പോളിൻെറ 4600ലേറെ രൂപ ഉണ്ടായിരുന്ന പഴ്‌സാണ് വെള്ളിയാഴ്ച യാത്രക്കിടെ നഷ്ടമായത്. കുടപ്പനക്കുന്ന് സ്വദേശി കൃഷ്ണന്‍കുട്ടിക്കാണ് പഴ്‌സ് ലഭിച്ചത്. ഇയാള്‍ ഇത് ഉടന്‍തന്നെ മെഡിക്കല്‍കോളജ് സ്റ്റേഷനില്‍ ഏൽപിക്കുകയായിരുന്നു. പഴ്‌സിലുണ്ടായിരുന്ന വിവരങ്ങള്‍ െവച്ചാണ് പൊലീസ് ഉടമയെ കണ്ടെത്തിയത്. എസ്.ഐ സാജുവിൻെറ സാന്നിധ്യത്തില്‍ പഴ്‌സ് ഉടമയ്ക്ക് തിരികെ നല്‍കുകയായിരുന്നു.