സമ്പത്ത് എം.പി ജഗതി ശ്രീകുമാറി​നെ സന്ദർശിച്ചു

നേമം: എ. സമ്പത്ത് എം.പി നടൻ ജഗതി ശ്രീകുമാറിനെ സന്ദർശിച്ചു. ശനിയാഴ്ച രാവിലെ നട​െൻറ പേയാട് ചെറുകോടുള്ള വസതിയിലെത്തിയാണ് എം.പി ജഗതിയെ സന്ദര്‍ശിച്ചത്. ആറ് വര്‍ഷം മുമ്പുണ്ടായ കാറപകടത്തില്‍ പരിക്കേറ്റ് വിശ്രമജീവിതം നയിക്കുന്ന നടനൊപ്പം ഭാര്യ ശോഭ, മകന്‍ രാജ്കുമാര്‍, മകള്‍ പാർവതി എന്നിവര്‍ ഉണ്ടായിരുന്നു. ഇവര്‍ സമ്പത്തിനെ സ്വീകരിച്ചു. അഭിനയലോകത്തേക്കുള്ള മടങ്ങിവരവിനെ അഭിനന്ദിച്ചശേഷം സമ്പത്ത് അദ്ദേഹത്തെ ഷാള്‍ അണിയിച്ചു. തെരഞ്ഞെടുപ്പുപര്യടനത്തി​െൻറ ഭാഗമല്ല സന്ദര്‍ശനമെന്ന് സമ്പത്ത് പിന്നീട് മാധ്യമപ്രവര്‍ത്തകരോട് പറഞ്ഞു. ഭാര്യ ലിസി, ഐ.ബി. സതീഷ് എം.എല്‍.എ, പഞ്ചായത്ത് പ്രസിഡൻറ് അനില്‍കുമാര്‍ എന്നിവര്‍ക്കൊപ്പമാണ് സമ്പത്ത് എത്തിയത്.