SPORTS... ദേശീയ വെയിറ്റ് ലിഫ്റ്റിങ്​ ചാമ്പ്യൻഷിപ്: കേരള പൊലീസിന് ഓവറോൾ കിരീടം

തിരുവനന്തപുരം: ഡറാഡൂണിൽ നടന്ന നാഷനൽ മാസ്റ്റേഴ്സ് വെയിറ്റ് ലിഫ്റ്റിങ് ചാമ്പ്യൻഷിപ്പിൽ കേരള പൊലീസ് ഓവറോൾ കി രീടം നേടി. നാല് സ്വർണവും രണ്ട് വെള്ളിയും ഒരു വെങ്കലവും നേടിയാണ് കേരളം ചാമ്പ്യൻമാരായത്. തൃശൂർ ജില്ല ൈക്രംബ്രാഞ്ചിലെ എ. ബിജു ക്യാപ്റ്റനായ ടീമാണ് ഈ നേട്ടം കൈവരിച്ചത്. സി.എസ്. രമേശ് (ടൗൺ സൗത്ത് പൊലീസ് സ്റ്റേഷൻ, പാലക്കാട്), വി.ജി. ഗംഗേഷ് (ചെറുതുരുത്തി പൊലീസ് സ്റ്റേഷൻ, തൃശൂർ സിറ്റി), സുനിൽകുമാർ (മനയ്ക്കക്കടവ്, തൃശൂർ സിറ്റി), ബിനോയ് ചാക്കോ (മെഡിക്കൽ കോളജ് പൊലീസ് സ്റ്റേഷൻ, തൃശൂർ സിറ്റി) എന്നിവർക്കാണ് സ്വർണം ലഭിച്ചത്. കെ.എ. ശ്രീനാഥ് (മെഡിക്കൽ കോളജ് പൊലീസ് സ്റ്റേഷൻ, തൃശൂർ സിറ്റി), ജോയ് തോമസ് (കുന്ദംകുളം പൊലീസ് സ്റ്റേഷൻ, തൃശൂർ സിറ്റി) എന്നിവർക്ക് വെള്ളിയും സി. വിജയാനന്ദിന് (റെയിൽവേ പൊലീസ് സ്റ്റേഷൻ, പാലക്കാട്) വെങ്കലവും ലഭിച്ചു. തൃശൂർ ജില്ല ൈക്രംബ്രാഞ്ചിലെ എ. ബിജു, തൃശൂർ ടൗൺ ട്രാഫിക് പൊലീസിലെ എം.സി. സതീഷ് എന്നിവർ നാലാം സ്ഥാനത്തെത്തി. photo: weightlifting.jpg ക്യാപ്ഷൻ ദേശീയ വെയ്റ്റ്ലിഫ്റ്റിങ് ചാമ്പ്യൻഷിപ്പിൽ ഓവറോൾ കിരീടം നേടിയ കേരള പൊലീസ് ടീം സംസ്ഥാന പൊലീസ് മേധാവി ലോകനാഥ് ബെഹ്റ, എ.ഡി.ജി.പി മനോജ് എബ്രഹാം എന്നിവർക്കൊപ്പം