വിമാനത്താവളം: സ്വർണ ബിസ്‌കറ്റുകളുമായി മൂന്ന് യാത്രികർ പിടിയിൽ

ശംഖുംമുഖം: രണ്ട് വിമാനങ്ങളിലെത്തിയ മൂന്ന് യാത്രികരിൽനിന്ന് 300 ഗ്രാം തൂക്കം വരുന്ന സ്വർണ ബിസ്‌കറ്റുകൾ പിടികൂടി. തിരുവനന്തപുരം വിമാനത്താവളത്തിലെ കസ്റ്റംസി‍​െൻറ എയർ ഇൻറലിജൻസ് വിഭാഗമാണ് 15 ലക്ഷം രൂപ വിലവരുന്ന സ്വർണം പിടികൂടിയത്. ഞായറാഴ്ച രാവിലെ ദുബൈയിൽനിന്ന് കൊളംബോയിലെത്തി അവിടെ നിന്ന് ശ്രീലങ്കൻ എയർവേസി‍​െൻറ വിമാനത്തിലെത്തിയ തമിഴ്‌നാട് പുതുക്കോട്ട സ്വദേശികളായ ഷാഹുൽ ഹമീദ് (49), സെയ്യദ് മുഹമ്മദ് (52) എന്നിവരിൽനിന്നാണ് 200 ഗ്രാമി​െൻറ സ്വർണബിസ്‌കറ്റുകൾ പിടിച്ചെടുത്തത്. പാദങ്ങളുടെ അടിയിൽ സെലോടേപ് ഉപയോഗിച്ച് ഒട്ടിച്ച നിലയിലായിരുന്നു കടത്താൻ ശ്രമിച്ചത്. ഇവരുടെ നടത്തയിലും പെരുമാറ്റത്തിലും ഉണ്ടായ സംശയത്തെ തുടർന്ന് പരിശോധിക്കുകയായിരുന്നു. ഷാർജയിൽ നിന്ന് രാവിലെ 6.10 നെത്തിയ എയർ ഇന്ത്യ വിമാനത്തിലെ യാത്രക്കാരനും തലശ്ശേരി സ്വദേശിയുമായ റഷീദി​െൻറ പക്കൽ നിന്ന് 100 ഗ്രാമി​െൻറ സ്വർണം പിടികൂടി. മലദ്വാരത്തിൽ ഒളിപ്പിച്ചാണ് ഇയാൾ സ്വർണം കടത്തിയത്. 50 ഗ്രാം വീതം തൂക്കം വരുന്ന രണ്ട് ബിസ്‌കറ്റുകളാണ് കണ്ടെടുത്തത്. ഇവർക്കെതിരെ കസ്റ്റംസ് കേസെടുത്തു. തുടർന്ന്, ഇവരെ വിട്ടയച്ചു.