ചിൽഡ്രൻസ‌്ഹോം അന്തേവാസിയെ കാണാനില്ലെന്ന‌് പരാതി

കൊല്ലം: ഗവ. ചിൽഡ്രൻസ‌് ഹോമിലെ അന്തേവാസിയായ 17കാരനെ കാണാനില്ലെന്ന് പരാതി. പുനലൂർ സ്വദേശിയായ ബാലനെ ഞായറാഴ‌്ച രാത്രി എട്ടോടെയാണ‌് കാണാതായത‌്. രാത്രി ഭക്ഷണത്തിനുശേഷം പഠന സമയത്താണ‌് കാണാതായത‌്. ഹോം അധികൃതർ കിടപ്പുമുറികളിലും പരിസരങ്ങളിലും തെരഞ്ഞെങ്കിലും കണ്ടെത്താനായില്ല. തുടർന്ന‌്, ഈസ‌്റ്റ‌് സ‌്റ്റേഷനിൽ പരാതിനൽകി. ചുറ്റു മതിൽ ചാടിക്കടന്നതായാണ‌് പൊലീസ‌് നിഗമനം. മുമ്പ് പല തവണ ഇതേ ബാലനെ കാണാതായിട്ടുണ്ടെന്ന‌് പൊലീസ‌് പറഞ്ഞു. എന്നാൽ, അപ്പോഴൊക്കെ രണ്ട‌്, മൂന്ന് ദിവസത്തിനകം തിരികെയെത്തിയിട്ടുണ്ട‌്. പൊലീസ‌് അന്വേഷണം ആരംഭിച്ചു.