മൈലം അംഗൻവാടിയിൽ വയോജന സംഗമം

നെടുമങ്ങാട്: മൈലം അംഗൻവാടിയിലെ ഒന്നാം വാർഷികാഘോഷ പരിപാടികളുടെ ഭാഗമായി വയോജന സംഗമം നടത്തി. ഗ്രാമപഞ്ചായത്ത് പ് രസിഡൻറ് ഐ. മിനി ഉദ്ഘാടനം ചെയ്തു. ഗ്രാമപഞ്ചായത്ത് ക്ഷേമകാര്യ സ്ഥിരംസമിതി അധ്യക്ഷൻ വിജയൻ നായർ 80 വയസ്സ് കഴിഞ്ഞ വയോജനങ്ങളെ ആദരിച്ചു. വാർഡ് അംഗം വേലായുധൻ നായർ അധ്യക്ഷതവഹിച്ചു. ജില്ല പഞ്ചായത്ത് അംഗം എൽ.പി. മായാദേവി, ബ്ലോക്ക് പഞ്ചായത്ത് അംഗം സുവർണ യേശുദാസ്, ഗ്രാമപഞ്ചായത്ത് അംഗങ്ങളായ ജമീലാ ബീഗം, നന്ദിനി ജെ.ആർ, പ്രഥമാധ്യാപിക ബിന്ദു, അംബികാദേവി, സൗമ്യാറാണി, മാവറവിള രവി, ആര്യശാല ശശികുമാരൻ നായർ, എലിസബത്ത്, എ. നടരാജൻ, ശാലിനി എന്നിവർ സംസാരിച്ചു.