വിളപ്പില്‍ പഞ്ചായത്ത് ബജറ്റ് അവതരിപ്പിച്ചു

നേമം: വിളപ്പില്‍ ഗ്രാമപഞ്ചായത്ത് ബജറ്റ് വൈസ് പ്രസിഡൻറ് സി. ശൈലജ അവതരിപ്പിച്ചു. 41.20 കോടി വരവും 39.80 കോടി ചെലവും പ്രത ീക്ഷിക്കുന്നതാണ് ബജറ്റ്. 20.14 കോടി തൊഴിലുറപ്പ് പദ്ധതിക്കും ഏഴ് കോടി സാമൂഹിക സുരക്ഷിതത്വ പെന്‍ഷന്‍ വിതരണത്തിനും വകയിരുത്തിയിട്ടുണ്ട്. കൃഷി, മൃഗസംരക്ഷണം, പ്രകൃതിസംരക്ഷണം എന്നിവക്കും തുക ഉള്‍പ്പെടുത്തിയിട്ടുണ്ട്. വയോജനസുരക്ഷ, മാനസിക ശാരീരിക വെല്ലുവിളികള്‍ നേരിടുന്നവര്‍ക്ക് പരിചരണം, അഗതിക്ഷേമ പരിപാടികള്‍ പ്രത്യേക ശിശുക്ഷേമ പരിപാടികള്‍ എന്നിവക്കായി 61.17 ലക്ഷം ബജറ്റിലുണ്ട്. പഞ്ചായത്ത് പ്രസിഡൻറ് അനില്‍കുമാര്‍ അധ്യക്ഷത വഹിച്ചു.