റോഡി​െൻറ ശോചനീയാവസ്ഥ: നാട്ടുകാര്‍ ഉപരോധ സമരം നടത്തി

പേരൂര്‍ക്കട: റോഡി​െൻറ ശോചനീയാവസ്ഥയിൽ പ്രതിഷേധിച്ച് നാട്ടുകാര്‍ റോഡ് ഉപരോധിച്ചു. കാച്ചാണി വാര്‍ഡിലെ ഹരിതനഗറിൽ പൊട്ടിപ്പൊളിഞ്ഞ റോഡ് നാല് വര്‍ഷമായി റീടാര്‍ ചെയ്യാത്തതാണ് പ്രതിഷേധത്തിന് കാരണമായത്. നാട്ടുകാരും റസിഡൻറ്സ് അസോസിയേഷന്‍ പ്രവര്‍ത്തകരും ചേര്‍ന്നാണ് റോഡ് ഉപരോധിച്ചത്. ശനിയാഴ്ച രാവിലെ 11 മുതല്‍ ഒരുമണിക്കൂറായിരുന്നു ഉപരോധം. ഹരിതനഗര്‍ വെല്‍ഫെയര്‍ അസോസിയേഷന്‍ പ്രസിഡൻറ് അയ്യപ്പന്‍ നായര്‍, സെക്രട്ടറി ബിനു, ബി.ജെ.പി മണ്ഡലം സെക്രട്ടറി അജിത്ത്, ജനറല്‍ സെക്രട്ടറി രതീഷ് നെട്ടയം എന്നിവര്‍ നേതൃത്വം നല്‍കി.