സർക്കാർ ഗസറ്റുകൾ സമയത്ത്​ പ്രസിദ്ധീകരിക്കുന്നില്ല; മുഖ്യമന്ത്രിക്ക്​ എം. ഉമറി​െൻറ പരാതി

തിരുവനന്തപുരം: സർക്കാർ ഗസറ്റുകൾ സമയബന്ധിതമായി പ്രസിദ്ധീകരിക്കുന്നില്ലെന്നും ഇത് ജനങ്ങൾക്ക് വൻ പ്രയാസം ഉണ്ടാക്കുെന്നന്നും കാണിച്ച് അഡ്വ. എം. ഉമർ എം.എൽ.എ മുഖ്യമന്ത്രി പിണറായി വിജയന് നിവേദനം നൽകി. 1970ലെ ഗവ. പ്രസ് മാന്വലി​െൻറ 976ാം വകുപ്പിൽ ഒൗദ്യോഗിക ഗസറ്റ് സമയബന്ധിതമായി പൂർത്തിയാക്കണമെന്ന് നിർദേശിക്കുന്നു. എല്ലാ ചൊവ്വാഴ്ചയും ഉച്ചക്ക് ഒരു മണിക്ക് മുമ്പ് ഗസറ്റ് പ്രസിദ്ധീകരിക്കണം. എന്നാൽ ഇപ്പോൾ ഗവ. പ്രസിൽ വിതരണത്തിന് എത്തിയത് 2018 ഡിസംബർ 18‍​െൻറ 50 നമ്പർ ഗസറ്റാണെന്നും അദ്ദേഹം കത്തിൽ ചൂണ്ടിക്കാട്ടി. ഇത്തരം രേഖകൾ സർക്കാർ ഒാഫിസുകളിൽ ആധികാരിക രേഖയായി പരിഗണിക്കുന്നതിനാൽ ചില ഒാഫിസുകളിലെങ്കിലും കാലതാമസം ഭരണസ്തംഭനത്തിന് വഴിയൊരുക്കും. കോടതി വ്യവഹാരങ്ങളിൽ ഗസറ്റുകൾ ആധികാരിക രേഖയായി സ്വീകരിക്കുന്നു. നടപടി എടുക്കണമെന്നും അദ്ദേഹം നിവേദനത്തിൽ ആവശ്യപ്പെട്ടു.