വട്ടിയൂർക്കാവ് കമ്യൂണിറ്റിഹാൾ ശിലാസ്ഥാപനം

തിരുവനന്തപുരം: നഗരസഭയുടെ വട്ടിയൂർക്കാവ് കമ്യൂണിറ്റി ഹാളി​െൻറ ശിലാസ്ഥാപനം മേയർ വി.കെ. പ്രശാന്ത് നിർവഹിച്ചു. നെട്ടയം വാർഡിൽ നഗരസഭ വട്ടിയൂർക്കാവ് സോണൽ ഓഫിസിനോട് ചേർന്നാണ് നിർമിക്കുന്നത്. ജനകീയാസൂത്രണ പദ്ധതിയിൽ ഉൾപ്പെടുത്തി ഒരു കോടി രൂപ െചലവഴിച്ചാണ് കമ്യൂണിറ്റി ഹാളി​െൻറ നിർമാണം നടത്തുന്നത്. ഡെപ്യൂട്ടി മേയർ രാഖിരവികുമാർ അധ്യക്ഷത വഹിച്ചു. സ്ഥിരം സമിതി ചെയർമാൻ പാളയം രാജൻ, കൗൺസിലർമാരായ ടി. ബാലൻ, റാണി വിക്രമൻ, വിജയകുമാർ, രാജിമോൾ എന്നിവർ സംസാരിച്ചു.