മാനസികാരോഗ്യകേന്ദ്രത്തെ പരിശീലന ഗവേഷണ​ കേന്ദ്രമാക്കണം -കെ. മുരളീധരൻ

തിരുവനന്തപുരം: മാനസികാരോഗ്യകേന്ദ്രത്തെ പരിശീലന ഗവേഷണ കേന്ദ്രമാക്കണമെന്ന് കെ. മുരളീധരൻ എം.എൽ.എ. എം.എൽ.എയുടെ ആസ ്തി വികസന ഫണ്ടിൽനിന്ന് ഒമ്പതു ലക്ഷത്തിൽ അധികം രൂപ ചെലവഴിച്ച് നിർമിച്ച നെയ്ത്തുശാല മന്ദിരം ഉദ്ഘാടനം ചെയ്യുകയായിരുന്നു അദ്ദേഹം. ആശുപത്രിയിലെ അന്തേവാസികളുടെ ക്ഷേമത്തിനായി ഇനിയും പ്രാദേശിക വികസന ഫണ്ടിൽനിന്ന് തുക പ്രോജക്ട് തരുന്ന മുറക്ക് അനുവദിക്കാമെന്നും എം.എൽ.എ പറഞ്ഞു. അഡീഷനൽ ഡി.എം.ഒ, ഡോ. ജോസ് ജി. ഡിക്രൂസ് അധ്യക്ഷതവഹിച്ചു. സൂപ്രണ്ട് ഡോ. ടി. സാഗർ, ഡോ. ജോൺ സൈമൺ, ഡോ. വിനോദ് മുത്തിക്കാവ്, നഴ്സിങ് സൂപ്രണ്ട് ജയലക്ഷ്മി, വാർഡ് കൗൺസിലർ പി.എസ്. അനിൽകുമാർ, ആശുപത്രി വികസന സമിതി അംഗങ്ങളായ മണ്ണാമൂല രാജൻ, വി.പി. ആനന്ദ് എന്നിവർ സംസാരിച്ചു.