നിഷിനെ വിപുലീകരിക്കും -മന്ത്രി

തിരുവനന്തപുരം: ഭിന്നശേഷിക്കാരുടെ പുനരധിവാസത്തിനും വിദ്യാഭ്യാസത്തിനുമായി പ്രവര്‍ത്തിക്കുന്ന രാജ്യത്തെ പ്ര മുഖ സ്ഥാപനമായ നിഷിനെ വിപുലീകരിക്കുമെന്ന് മന്ത്രി കെ.കെ. ശൈലജ‍. വിവിധ വിഷയങ്ങളെ അധികരിച്ച് നിഷില്‍ സംഘടിപ്പിച്ച സെമിനാര്‍ ഉദ്ഘാടനം ചെയ്യുകയായിരുന്നു മന്ത്രി. വിവിധ പ്രവര്‍ത്തനങ്ങളിലൂടെ ഏതാനും വര്‍ഷങ്ങള്‍ക്കുള്ളില്‍ നിഷ് ഇരട്ടിയിലേറെ വളര്‍ച്ചയിലേക്ക് കടക്കുന്നതാണെന്നും മന്ത്രി വ്യക്തമാക്കി. ഭിന്നശേഷി മേഖലയില്‍ സഹായകരമായ അസിസ്റ്റിവ് ടെക്‌നോളജിക്ക് വലിയ മുന്‍ഗണനയാണ് സംസ്ഥാനം നല്‍കുന്നത്. ഇലക്ട്രോണിക്‌ ആൻഡ് സ്‌പേസ് ടെക്‌നോളജി രംഗത്ത് രാജ്യത്തിനു തന്നെ മാതൃകയാകാന്‍ കഴിഞ്ഞിട്ടുണ്ടെന്നും അവർ പറഞ്ഞു. നിഷ് എക്‌സി. ഡയറക്ടര്‍ ഡോ. കെ.ജി. സതീഷ് കുമാര്‍, ഡോ. സുധ കൗള്‍, ഡോ. തെരേസ വില്‍ക്കോം, ഡോ. മുഹമ്മദ് അഷീല്‍ എന്നിവര്‍ പങ്കെടുത്തു.