നാടകത്തിലൂടെ പഠനം: മോഡൽ സ്‌കൂളിലെ ക്യാമ്പ്​ ശ്രദ്ധേയമായി

തിരുവനന്തപുരം: നാടകം, ചിത്രകലാ, സ്കിറ്റ്, തുടങ്ങിയ ക്രിയാത്മക സർഗ പ്രക്രിയകളിലൂടെ കുട്ടികളുടെ പഠന ശേഷി ഉന്നത ന ിലവാരത്തിലെത്തിക്കാനായി തൈക്കാട് ഗവ. മോഡൽ ഹയർ സെക്കൻഡറി സ്‌കൂളിൽ സംഘടിപ്പിച്ച ദ്വിദിന ക്രിയേറ്റിവ് തിയറ്റർ ക്യാമ്പ് ശ്രദ്ധേയമായി. വിദ്യാഭ്യാസ വകുപ്പി​െൻറ കീഴിലുള്ള സമഗ്ര ശിക്ഷ കേരളയുടെ ആഭിമുഖ്യത്തിൽ സ്‌കൂൾ തലത്തിൽ നടന്നു വരുന്ന 'ഹലോ ഇംഗ്ലീഷ്' പഠന പദ്ധതിയുടെ ഭാഗമായായിരുന്നു ക്യാമ്പ്. നാടകം, ചിത്രകല ഉൾപ്പെടെ വിവിധ കലാരൂപങ്ങൾ ഉപയോഗപ്പെടുത്തി രസകരമായും സംഘബോധം കുട്ടികളിൽ ഉണർത്തിയുമുള്ള പഠന പ്രക്രിയകളാണ് ക്യാമ്പി​െൻറ സവിശേഷതകൾ. പ്രഥമാധ്യാപകൻ ആർ.എസ്. സുരേഷ് ബാബു ഉദ്ഘാടനം ചെയ്തു. യു.ആർ.സി. ട്രെയിനർമാരായ ഗോപാലകൃഷ്ണൻ. ജി.വിനോദ്. ജെ. താര എന്നിവരാണ് പരിശീലകർ.