കര്‍മസമിതി പ്രതിഷേധയോഗം

നേമം: നരുവാമൂട് സ്റ്റേഷന്‍പരിധിയില്‍ ഇടയ്ക്കോട് ഭാഗത്ത് സമാധാനാന്തരീക്ഷം തകര്‍ക്കുന്ന പ്രവര്‍ത്തനങ്ങള്‍ക് കെതിരെ കര്‍മസമിതി പ്രതിഷേധയോഗം സംഘടിപ്പിച്ചു. പ്രദേശത്ത് കഴിഞ്ഞ മൂന്നിന് നടന്ന ബോംബ് സ്ഫോടനത്തെക്കുറിച്ച് അന്വേഷിക്കണമെന്നും കർമസമിതി ആവശ്യപ്പെട്ടു. കർമസമിതി ഭാരവാഹി ജി. പത്മകുമാര്‍ ഉദ്ഘാടനം ചെയ്തു. കര്‍മസമിതി ഗ്രാമ-ജില്ല സഹ അധ്യക്ഷന്‍ കെ.ജി. തങ്കപ്പന്‍ അധ്യക്ഷത വഹിച്ചു. ബി.ജെ.പി കാട്ടാക്കട നിയോജകമണ്ഡലം വൈസ്പ്രസിഡൻറ് പള്ളിച്ചല്‍ ബിജു, ജില്ല ഉപാധ്യക്ഷന്‍ മുക്കംപാലമൂട് ബിജു, എ.ജി. സദാശിവന്‍ എന്നിവര്‍ പങ്കെടുത്തു.