പ്രതിപക്ഷ നേതാവിനെ അപകീര്‍ത്തിപ്പെടുത്തുന്നതിനെ നേരിടും -ബെന്നി ബെഹനാന്‍

തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തലയെ സമൂഹമാധ്യമങ്ങള്‍ വഴി ജാതീയമായും വർഗീയമായും അപകീര്‍ത്തിപ്പെടുത്താനുള്ള ശ്രമങ്ങളെ നേരിടുമെന്ന് യു.ഡി.എഫ് കണ്‍വീനര്‍ ബെന്നി ബെഹ്നാൻ. സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനാണ് ഇതി​െൻറ ചാലകശക്തിയായി പ്രവര്‍ത്തിക്കുന്നതെന്ന് അദ്ദേഹം ആരോപിച്ചു. തങ്ങളുടെ സൈബര്‍ തൊഴിലാളികളെ ഉപയോഗിച്ച് തരംതാണ നിലയില്‍ തേജോവധത്തിന് ശ്രമിക്കുന്നത് രാഷ്ട്രീയമര്യാദക്ക് ചേര്‍ന്നതല്ല.