നദീതീര സംരക്ഷണ ഭിത്തി: ഭരണാനുമതി റദ്ദാക്കി

തിരുവനന്തപുരം: പത്തനംതിട്ട ജില്ലയിലെ നദീതീര സംരക്ഷണ പ്രവർത്തനത്തിനുള്ള ഭരണാനുമതി റദ്ദാക്കി. കോന്നി നിയോജകമണ ്ഡലത്തിൽ വള്ളിക്കോട് ഗ്രാമപഞ്ചായത്ത് അച്ചൻകോവിലാറ്റിൽ കൈപ്പട്ടൂർ കോയിക്കൽ ശ്രീമഹാദേവക്ഷേത്രത്തി​െൻറ തീരസംരക്ഷണ ഭിത്തി നിർമാണത്തിന് 15 ലക്ഷം രൂപക്ക് നേരേത്ത ഭരണാനുമതി നൽകിയിരുന്നു. എന്നാൽ, ജില്ലയിൽ നദീ മാനേജ്മ​െൻറ് ഫണ്ട് അപര്യാപ്തമായതിനാൽ കരാറുകാരനായ തുളസീദാസ് അടച്ച പെർഫോമൻസ് ഗാരൻറിയും സെക്യൂരിറ്റി തുകയും തിരികെ നൽകണമെന്ന് കലക്ടർ നിർദേശിച്ചു. ഇത് പരിഗണിച്ചാണ് റവന്യൂ അഡീഷനൽ സെക്രട്ടറി ജെ. ബെൻസി പദ്ധതി റദ്ദാക്കി ഉത്തരവിറക്കിയത്.