എസ്.എ.ടി ആശുപത്രി ജീവനക്കാരുടെ ക്രിസ്മസ്-പുതുവത്സര ആഘോഷം

തിരുവനന്തപുരം: മെഡിക്കൽ കോളജ് എസ്.എ.ടി ആശുപത്രി ജീവനക്കാർ ക്രിസ്മസ്-പുതുവത്സര ആഘോഷം സംഘടിപ്പിച്ചു. മെഡിക്കൽ ക ോളജ് പ്രിൻസിപ്പൽ ഡോ. തോമസ് മാത്യു ഉദ്ഘാടനം നിർവഹിച്ചു. മുൻ ചീഫ് സെക്രട്ടറി എസ്.എം. വിജയാനന്ദ് ക്രിസ്മസ്-പുതുവത്സര സന്ദേശം നൽകി. എസ്.എ.ടി സൂപ്രണ്ട് ഡോക്ടർ സന്തോഷ്കുമാർ അധ്യക്ഷത വഹിച്ചു. വെൽെഫയർ കമ്മിറ്റി കൺവീനർ ബിജു പി. കരിയം, ഡെപ്യൂട്ടി സൂപ്രണ്ട് ഡോ. സൂസൻ ഉതുപ്പ്, നഴ്സിങ് ഓഫിസർ ഷൈല, ആർ.എം.ഒ ഡോ. ഹരിപ്രസാദ് എന്നിവർ സംസാരിച്ചു. തുടർന്ന് എസ്.എ.ടി കലാവേദി സാരംഗ് കലാപരിപാടികൾ അവതരിപ്പിച്ചു.