സമഗ്ര പച്ചക്കറി വികസന പ്രോജക്ട് ഉദ്ഘാടനം

കല്ലമ്പലം: ആറ്റിങ്ങൽ മണ്ഡലത്തിൽ നടപ്പാക്കുന്ന സമഗ്ര പച്ചക്കറി വികസനപദ്ധതിയുടെ മണ്ഡലംതല ഉദ്ഘാടനം മണമ്പൂർ തെഞ്ചേരിക്കോണം പി.ടി.എം സ്കൂളിൽ ബി. സത്യൻ എം.എൽ.എ നിർവഹിച്ചു. മണമ്പൂർ പഞ്ചായത്ത് പ്രസിഡൻറ് അമ്പിളി പ്രകാശ് അധ്യക്ഷതവഹിച്ചു. ബ്ലോക്ക് പഞ്ചായത്തംഗം ഡോ. പി.ജെ. നഹാസ്, പഞ്ചായത്ത് വൈസ് പ്രസിഡൻറ് എസ്. സുരേഷ്കുമാർ, കൃഷി ഓഫിസർ ജെ.ബി. റീന, അസീസ്, സജു, പ്രശോഭന വിക്രമൻ, സ്കൂൾ അധികൃതർ, പി.ടി.എ ഭാരവാഹികൾ എന്നിവർ പങ്കെടുത്തു. രണ്ടുമാസം മുമ്പ് സ്കൂൾ വിദ്യാർഥികൾ ആരംഭിച്ച പച്ചക്കറി കൃഷിയുടെ വിളവെടുപ്പും എം.എൽ.എ നിർവഹിച്ചു.