വെറ്ററിനറി സർജൻ കരാർ നിയമനം

തിരുവനന്തപുരം: ജില്ലയിലെ വിവിധ ബ്ലോക്കുകളിലേക്കും കോർപറേഷനിലേക്കും രാത്രികാല അടിയന്തര വെറ്ററിനറി സർവിസിന് കരാർ അടിസ്ഥാനത്തിൽ സർജന്മാരെ നിയമിക്കുന്നതിന് ഇൻറർവ്യൂ നടത്തുന്നു. 13ന് രാവിലെ 11ന് തമ്പാനൂർ എസ്.എസ് കോവിൽ റോഡിലുള്ള ജില്ല മൃഗസംരക്ഷണ ഓഫിസിലാണ് ഇൻറർവ്യൂ. ഫോൺ: 0471 2330736. ആയുർവേദ കോളജിൽ ടെക്‌നീഷ്യൻ തിരുവനന്തപുരം: സർക്കാർ ആയുർവേദ കോളജിൽ താൽക്കാലികാടിസ്ഥാനത്തിൽ ടെക്‌നീഷ്യനെ (ബയോടെക്‌നോളജി) നിയമിക്കുന്നതിനായി 11ന് ഉച്ചക്ക് 12ന് പ്രിൻസിപ്പലി​െൻറ ഓഫിസിൽ വാക് ഇൻ ഇൻറർവ്യൂ നടത്തും. ബയോടെക്‌നോളജിയിൽ എം.എസ്സി/ബി.എസ്സി, ടിഷ്യൂകൾചർ മേഖലയിൽ രണ്ട് വർഷത്തെ പ്രവൃത്തി പരിചയം എന്നിവയാണ് യോഗ്യതകൾ. ഉദ്യോഗാർഥികൾ വിദ്യാഭ്യാസ യോഗ്യത, പ്രവൃത്തിപരിചയം എന്നിവയുടെ അസ്സൽ സർട്ടിഫിക്കറ്റുകളും അവയുടെ സാക്ഷ്യപ്പെടുത്തിയ പകർപ്പുകളും ബയോഡാറ്റയും സഹിതം രാവിലെ 11ന് പ്രിൻസിപ്പലി​െൻറ ഓഫിസിൽ ഹാജരാകണം. പ്രതിമാസം 25,000 രൂപയാണ് ഓണറേറിയം. കുളമ്പുരോഗ ജാഗ്രതാ നിർദേശം തിരുവനന്തപുരം: ഇതര സംസ്ഥാനങ്ങളിലെ കന്നുകാലികളിൽ കുളമ്പുരോഗം പടരുന്നതായി റിപ്പോർട്ട് ചെയ്യപ്പെട്ട സാഹചര്യത്തിൽ വിവിധ ആവശ്യങ്ങൾക്കായി ഇതര സംസ്ഥാനങ്ങളിൽനിന്ന് കന്നുകാലികളെ വാങ്ങി കേരളത്തിലേക്ക് കൊണ്ടുവരുന്ന കർഷകർ ജാഗ്രത പാലിക്കണമെന്ന് ജില്ല മൃഗസംരക്ഷണ ഓഫിസർ അറിയിച്ചു. കന്നുകാലികളെ കൊണ്ടുവരുന്നവർ പാറശ്ശാലയിൽ മൃഗസംരക്ഷണ വകുപ്പി​െൻറ ആർ.പി ചെക്‌പോസ്റ്റിൽ കാലികളെ പരിശോധനക്ക് വിധേയമാക്കി രസീത് കൈപ്പറ്റണം. ഇതിൽ വീഴ്ചവരുത്തുന്നവർക്കെതിരെ പകർച്ചവ്യാധി നിർമാർജന നിയമം 2009 പ്രകാരമുള്ള നടപടി സ്വീകരിക്കുമെന്നും ജില്ല മൃഗസംരക്ഷണ ഓഫിസർ അറിയിച്ചു.