വിമാനത്താവളത്തില്‍ 12 ലക്ഷത്തി​െൻറ സ്വർണം പിടികൂടി

ശംഖുംമുഖം: വിദേശത്തുനിന്ന് കടത്താന്‍ ശ്രമിച്ച 12 ലക്ഷം വിലവരുന്ന സ്വർണം വിമാനത്താവളത്തില്‍ പിടികൂടി. തമിഴ്നാട് ചെന്നൈ സ്വദേശി ആസാദ് ഹുസൈ​െൻറ പക്കല്‍നിന്നാണ് 350.06 ഗ്രാം സ്വര്‍ണം എയര്‍കസ്റ്റംസ് പിടികൂടിയത്. ഷാര്‍ജയില്‍നിന്ന് തിരുവനന്തപുരെത്തത്തിയ എയർ ഇന്ത്യയുടെ എ.ഐ 968ാം നമ്പര്‍ വിമാനത്തിലെ യാത്രക്കാരനായിരുന്നു ഇയാള്‍. ചെരുപ്പിനുള്ളിലാണ് സ്വര്‍ണം ഒളിപ്പിച്ച് കടത്താന്‍ ശ്രമിച്ചത്. ലെതര്‍ ചെരുപ്പി​െൻറ മേല്‍ഭാഗം ഇളക്കിയശേഷം പേസ്റ്റ് രൂപത്തിലാക്കി കറുത്ത പാക്കറ്റിനുള്ളില്‍ പൊതിഞ്ഞാണ് സ്വര്‍ണം ഒളിപ്പിച്ചിരുന്നത്. കസ്റ്റംസി​െൻറ മെറ്റല്‍ ഡോറിലൂടെ ഇയാള്‍ പുറത്തേക്ക് കടന്നതോടെ ബീപ് ശബ്ദം ഉയര്‍ന്നതിനെ തുടര്‍ന്ന് കസ്റ്റംസ് ഉദ്യോഗസ്ഥര്‍ ഇയാളെ വിശദമായി പരിശോധിെച്ചങ്കിലും ആദ്യഘട്ടത്തില്‍ സ്വര്‍ണം കെണ്ടത്താന്‍ കഴിഞ്ഞില്ല. പിന്നീട് ചെരുപ്പ് ഊരി െവച്ചശേഷം മെറ്റല്‍ഡോറിലൂടെ കടത്തിയപ്പോള്‍ ബീപ് ശബ്ദം ഉയരാത്തതിനെ തുടര്‍ന്ന് ചെരുപ്പ് കീറി പരിശോധിച്ചപ്പോഴാണ് സ്വര്‍ണം കണ്ടെത്തിയത്. എയര്‍കസ്റ്റംസ് അസിസ്റ്റൻറ് കമീഷണർ ജെ. ദാസി​െൻറ നേതൃത്വത്തില്‍ സൂപ്രണ്ടുരായ മുഹമ്മദ് റജീബ്, രാധാ ഗോപാലകൃഷ്ണന്‍, ഇന്‍സ്പെക്ടര്‍മാരയ സോനുകുമാര്‍, വീരേഷ്, രജനീഷ് എന്നിവരടങ്ങുന്ന സംഘമാണ് പ്രതിയെ പിടികൂടിയത്. വിദേശത്തുനിന്ന് കസ്റ്റംസി​െൻറ കണ്ണുവെട്ടിച്ച് പുറത്തേക്ക് കടത്താന്‍ ശ്രമിച്ച കോടിക്കണക്കിന് രൂപയുടെ സ്വര്‍ണമാണ് കഴിഞ്ഞ ഒരുമാസത്തിനുള്ളില്‍ എയര്‍കസ്റ്റംസ് വിമാനത്താവളത്തില്‍നിന്ന് പിടികൂടിയത്.